Affeksjonsverdi følgjer skodespelaren Nora (Reinsve) og systera hennar Agnes (Lilleaas) når den karismatiske faren deira, Gustav (Skarsgård), plutseleg dukkar opp i liva deira igjen etter langvarig fråvær.
Gustav var ein gong ein kjend filmregissør og ønskjer no Nora i hovudrolla i sitt store comeback. Å arbeide med far sin er det siste Nora kan tenkje seg. Ho takkar nei, og inn trer den amerikanske skodespelaren Rachel Kemp (Fanning), som kjem til Noreg for å spele rolla Gustav skreiv til Nora.

Plutseleg må dei to systrene ikkje berre forhalde seg til far sin – dei får òg ei Hollywood-stjerne tråkkande rundt i barndomsheimen, midt i familiens personlege drama.

Premiere: 12.09.2025

Regi: Joachim Trier

Språk: Svensk / Norsk / Engelsk

Produksjonsår: 2025

Sjanger: Drama

Speletid: 2 t. 13 min.

Nasjonalitet: Noreg

Aldersgrense med grunngiving: 9 år

Filmen inneheld enkelte scenar som kan verke uroande på yngre barn. Ho får derfor aldersgrense 9 år.

Produksjonsselskap: Mer Film, Eye Eye Pictures

Det er gratis inngang.

Filmen blir syna fram av Bygdekinoen A/S.