Ønskjer du å læra noko nytt, utvide horisonten din og bli inspirert? Bli med på våre digitale føredrag med anerkjente føredragshaldarar. Måndagar er føredraget direktesendt. Då har du høve til å delta i diskusjonen og stille spørsmål til føredragshaldar. Onsdagar sender me opptak frå førre veke.

Korleis oppstod livet på jorda – og kva veit me faktisk i dag? I dette foredraget gir Klaus Høiland ei oversikt over dei viktigaste vitskaplege teoriane om byrjinga av livet. Frå førestillinga om den såkalla ursuppa til framveksten av den første levande cella, ser han nærare på dei grunnleggjande byggjesteinane i livet og korleis dei kan ha vorte sette saman.

Foredragshaldar: Klaus Høiland er professor i biologi ved Universitetet i Oslo og ein anerkjend formidlar av naturvitskap. Han har publisert ei rekkje bøker og artiklar om evolusjon, økologi og sopp, og er kjent for å gjera kompleks forsking tilgjengeleg for eit breitt publikum.

Velkomen til alle.

Føredraget blir syna fram i samarbeid med Senioruni.no