Ønskjer du å læra noko nytt, utvide horisonten din og bli inspirert? Bli med på våre digitale føredrag med anerkjente føredragshaldarar. Måndagar er føredraget direktesendt. Då har du høve til å delta i diskusjonen og stille spørsmål til føredragshaldar. Onsdagar sender me opptak frå førre veke.

Tove Jansson er for mange først og fremst knytt til Mummidalen. Men kunstnarskapet hennar rommar langt meir. I dette foredraget gir Renate Rivedal eit nærare blikk på Tove Jansson som kunstnar og menneske. Ho belyser korleis Jansson arbeidde på tvers av kunst, litteratur og livssyn – og korleis spørsmål om fridom, identitet og tilhøyrsel pregar heile hennar virke.

Foredragshaldar: Renate Rivedal er kunst- og kulturformidlar og fast kulturmeldar i Bergens Tidende. Ho er kjend for å formidla kunsthistorie og kultur i eit klart, tilgjengeleg og fagleg forankra språk.

Velkomen til alle.

Føredraget blir syna fram i samarbeid med Senioruni.no