Anne Gunn Halvorsen - Mitt internett
Korleis vart internett ein del av oss? Ut frå eigen oppvekst i Vikedal utforskar Halvorsen temaet
Gratis - inga påmelding
Det er no tretti år sidan internett vart allemannseige, og boka ho snakkar om er første del av ein planlagd trilogi som utforskar dei tre siste tiåra med internett.
Denne kvelden handlar det om nittitalet og barndom. Kjeldene hennar har mellom anna vore dagbøker, gamle kjærester, venner og fagfolk. Det handlar om teknologien, politikken og driftene som gjorde internett og datmaskinar til allemannseige.
Halvorsen utforskar kvifor skjerm og internett fekk, og framleis har, eit så solid feste hjå barn og unge. Foredraget syner og fram den litt uventa koplinga mellom bygdedans og skjermbruk.
Vel møtt til ei lystbetont tidsreise tilbake til då datamaskinen var tung og framtidshåpet stort.
