Sterke lokalsamfunn for ein aktiv og demensvennleg alderdom

I dette webinaret vil dei vise korleis lokallaga skaper gode møteplassar og meiningsfulle aktivitetar som gjer det lettare og meir morosamt å vera ein del av nærmiljøet.

Dei deler erfaringar frå arbeidet med demensvennlege samfunn og gir døme på aktivitetar som inviterer til fellesskap, glede og engasjement. Dei ønskjer å inspirera deg til å delta, bidra og saman med andre skapa eit lokalsamfunn der alle eldre kan leva aktivt, trygt og med god livskvalitet

Foredragshaldarar: Thea Kristine Lande, rådgivar på folkehelse, Mirjeta Emini, fagrådgivar demens, og Anette Brenden, rådgivar frivilligheit - alle tre i Nasjonalforeiningen for folkehelsen.


Oversikt over alle webinara:

Måndag 29. september 10.00-10.30 - Sterke lokalsamfunn for ein aktiv og demensvennleg alderdom (Nasjonalforeningen for Folkehelsen)

Tysdag 30. september 10.00-10.30 - Å gjere noko for andre gjer noko med deg (Frivillighet Norge)
Tysdag 30. september 12.00-12.30 - Kva og korleis kan me planlegge for eit godt liv heile livet (Senteret for et aldersvennlig Norge)

Onsdag 1. oktober 11.00-11.30 - Likestilling- og diskrimineringsrett for seniorar (Likestillings- og diskrimineringsombudet)

Torsdag 2. oktober 10.00-10.30 - Generasjon – ein aldringsfestival – Kvifor? (Nasjonalt senter for aldring og helse)
Torsdag 2. oktober 11.00-11.30 - Eit liv med meining (Stiftelsen Livsglede for eldre)
Torsdag 2. oktober 12.00-12.30 - Ein heim med meistring og meining (Norges Handelshøyskole)