Tarjei Skirbekk: Dei moderate folkepartia sitt fall i Europa
Bli med på føredrag med Tarjei Skirbekk. Dette er eit opptak frå måndag 11. august.
Gratis - inga påmelding
Ønskjer du å læra noko nytt, utvide horisonten din og bli inspirert? Bli med på våre direktesendte føredrag med anerkjente føredragshaldarar. Onsdagar sender me opptak.
Kva skjer når dei moderate røystene forsvinn? I dette føredraget utforskar Skirbekk det politiske oppbrotet som pregar Europa i dag. Han ser på kvifor dei tradisjonelle folkepartia, både på venstre- og høgresida, har mist grepet om makta, og kva politiske krefter som veks fram i deira stad. Kva tyder dette for framtida til Europa, og korleis påverkar det den politiske stabiliteten på kontinentet?
Føredragshaldar:
Skirbekk er idéhistorikar med brei erfaring frå norsk og europeisk politikk. Han har mellom anna vore politisk rådgjevar for utanriksminister Jonas Gahr Støre og strategisk rådgjevar for leiinga i Arbeidarpartiet. Skirbekk var med på å etablera tankesmia Agenda og har rådgjeve både det svenske sosialdemokratiske partiet og leiinga i Equinor.
Velkomen til alle.