Sommar på biblioteket

Velkomen til ein sommar full av opplevingar på biblioteket i Vindafjord. Me held ope heile sommaren – og har noko for alle, uansett alder og interesse.

📍 Du finn oss midt i Ølen sentrum, rett ved aktivitetsparken– perfekt for ein pause i sola eller ein aktiv dag med familien.

Premiar og kodeord til Sommarles finn du nedst i artikkelen.

📚 Biblioteket – ein møteplass for glede, fantasi og fellesskap i sommar

Sommaren på biblioteket handlar ikkje berre om bøker – det handlar om å møtast, oppleve, lære og le saman. Her er det rom for både rolege stunder og livlege aktivitetar, for små og store, gamle og unge.
Biblioteket er ope måndag til torsdag 10-18, fredag og laurdag 10-15. Har du signert meirope-kontrakt? Då har du tilgang kvar dag frå kl. 07.00 til 22.00.

Dette kan du sjå fram til:
Gamingveka (veke 23): Turneringar i digitale spel – bli med og spel deg til topps.
- Digital teikning (veke 27–29): Lær å bruke Procreate på iPad – kreativ moro for alle.
- Symaskin – svipp innom (veke 27–29): Lær å bruke symaskin og få smarte tips.
- Seniorgaming & Digihjelp: Teknologi og spel for dei godt vaksne.
- Høgtlesing & Sommarkino: For dei små og heile familien.
- Sommarspråktreff: Treff nye folk og øv på språket i sommarvarmen.
- Broder med oss: Kreativ ro og hygge med nål og tråd.

Sjå oversikt arrangement for meir informasjon.

Me er med på Sommarles!

Sommarles er ein digital lesekampanje for barn i 1.–7. klasse, og me heiar på alle som vil vere med! Du finn alt du treng å vite på sommarles.no. På biblioteket kan du få hjelp til å registrere deg, hente premiar og bli med på ekstra moro:

✍️ Skrivekonkurranse: Har du ein forfattar i magen? Skriv ei forteljing og lever ho inn – kanskje er det du som vinn! Konkurransen er for alle som er med i sommarles og blir arrangert i samarbeid med Etne bibliotek.

Forteljinga må byrja med:
"Det var heilt stille i huset då Thomas vakna.
Ingen lydar frå kjøkkenet, ingen lydar frå badet.
Alle rom var tomme. Kor var alle saman?
Plutseleg høyrde han ein lyd."

Forteljinga skal vere 1-2 sider lang, og leverast på e-post til vindafjord.bibliotek@vindafjord.kommune.no eller etne.bibliotek@etne.kommune.no.
Du kan og levere på papir til eit av biblioteka i Etne eller Vindafjord.

Start-teksten er skriven av forfattar Ingvild Bjerkeland

🕵️‍♀️ Gåtejakt: Bli med på ei spennande jakt gjennom biblioteket – finn løysingane og bli med i trekninga av fine premiar!

Fellesskap og aktivitetar for alle

Her kan du:

🎲 Spele brettspel eller sjakk med vener

☕ Slå deg ned i aviskroken med ein kopp kaffi og ein god prat

🧩 Bygg med LEGO eller bli med på kreative verkstadar

🎮 Spele digitale spel frå klokka 12.00 måndag til fredag

🧵 Lære å bruke symaskin eller brodere saman med andre

📚Sjølvsagt låne med deg bøker og tidsskrift

Du kan til og med låne aktivitetsutstyr som hengekøye, boccia, bordtennis, paddelutstyr og meir.

Her er det plass til alle – og det beste av alt? Det kostar ingenting å vere med.

Premiar Sommarles 2025

Undrar du på kva du kan vinne på Sommarles? Her er oversikta.

Sommarles - Kodeord kapittel 2

Sommarles - Kodeord kapittel 2

Sommarles - Kodeord kapittel 1

Sommarles - Kodeord kapittel 1