Vindafjord kommune

Bjørn Rørvik har mellom anna skrive bøkene om “Reven og Grisungen” og “Bukkene Bruse på badeland”.
Vaffelfisken handlar om Reven og Grisungen som drar på fisketur.

Bjørn er kjent for å vere ein god formidlar og me gleder oss til å høyre ham lese høgt frå boka si.
Du er hjartleg velkomen til å ta turen.

Arrangementet passar for alle, og er i samarbeid med “Heile Rogaland les 2023”.

Kvar 3. onsdag i månaden synar me fram ein film for vaksne klokka 19.00.
Vil du sikre deg plass, kan du reservere på telefon: 53 65 58 60

Filmen blir syna fram på lisens frå Filmrommet.

Bli med på ein hyggeleg kveld kor du blant anna får presentert Vindetreet og Etne sogelag si årbok. I tillegg vil det bli kulturelt innslag.

Velkomen til alle som er interessert i lokalhistorie.

Her blir det høve til å møte andre strikkeglade for
å slå av ein prat, få nye idear og til å få hjelp
til strikkeprosjektet ein held på med.

Me får besøk av Sinnamekker’n!
Onsdag 24. januar kan du ta turen innom og høyre eit fengjande føredrag av Ståle Eskeland, også kjent som Sinnamekker’n. Stordabuen Ståle er lidenskapeleg oppteken av bil – nærmare bestemt veteranbilar. Lidenskapen kjem til uttrykk ikkje berre som mekking og flikking på gromme bilar, men også i form av bøker for både vaksne og barn i tillegg til musikk. Er me heldige så vankar det nokre tonar i tillegg til føredraget. Eskeland har opp gjennom åra hatt nærmare 500 bilar. Den aller fyrste var ein Volvo Amazon 1963-modell med sota glas og rikelege mengder med terningar og Wunderbaum i vindauga. Her snakkar me lidenskap på høgt nivå. Arrangementet er gratis og ope for alle.
Velkomen.

Den andre fredagen i månaden kan du få innføring i eit aktuelt tema, og deretter høve til å få hjelp med konkrete problemstillingar.

Den fyrste laurdagen i månaden har du høve til å ta med deg heile familien til biblioteket for å sjå film. 
Me synar fram film som passar for alle aldrar. 
Om du vil vere sikker på å få plass, kan du ringje 53655860 for å reservere.

Du treng ikkje å betale for å sjå filmen. 


Filmen blir syna fram på lisens frå Filmrommet.

Krimforfattar Geir Tangen tek deg med gjennom dei mest spennande krimbøkene som kom ut i 2023.

29. februar blir det klart kva bøker som er nominert til den gjeve Rivertonprisen. Geir kjem til å fortelje litt om desse.

Heilt til slutt kjem det også ei "10 på topp" liste over gode krimbøker dei siste åra. 

Me ønskje velkomen til ein kveld med mange gode lesetips.

Alle som vil kan ta turen innom og spele. Om ein er nybyrjar eller erfaren, ung eller gamal - du er like velkomen.
Me har til dømes 5 Second Rule, Stigespel, Ludo, Ticket to Ride, Ligretto, Minecraft Java, PS4-spel og Switch-spel.
Ta gjerne med eit brettspel du vil spele med andre.
Spelekveldane passar for både vaksne og barn, men dei under 8 år må ha følgje av ein vaksen.
Ein kan kome og gå som ein vil under arrangementet.

Har du sakar du brenn for i lokalmiljøet, men ikkje heilt veit korleis du kan få uttrykka det du meiner til politikarane? Har du lyst til å høyre kva dei einskilte partia i Vindafjord meiner om ulike problemstillingar?

I så fall må du ta turen innom «Politisk hjarterom» på biblioteket.
Siste onsdag i månaden har me invitert alle partia som stiller liste i Vindafjord i kommune- og fylkestingvalet 2023 til å kome innom for kort å fortelje om deira standpunkt i aktuelle sakar.
Kvar av partia får tilmålt taletid. Etter dette sirkulerer dei blant gruppene som publikum sit i, slik at alle får høve til å prate med dei ulike politikarane.

Har du spørsmål som du vil høyre politikarane sin meining på? Då kan du sende ein e-post til: 

silje.holden.birkeland@vindafjord.kommune.no

I tillegg kan du bygge LEGO saman med LEGO-Gregor. Han blir glad om han får hjelp av deg til å lage LEGO-juletrepynt som han kan henge på juletreet sitt.

Kulturskulen opnar bandromma, slik at du kan få prøve ulike instrument. I tillegg inviterar dei til workshop og digital kunst.

Vindaverkstaden har ope, og her kan du lage julekort. Har du lyst til å prøve å teikne julekortet på eit digitalt teiknebrett, vil du også få høve til det.

Julefilmen er den animerte familiefilmen "Gubben og katten - tidenes jul". Denne blir syna fram på lisens frå Filmrommet. 

Bygg LEGO med LEGO-Gregor frå LEGO masters

Lag ditt eige julekort på Vindaverkstaden

Ope bandrom – prøv ulike bandinstrument

Ope undervisningsrom - prøv akustiske instrument

Familiekino – Gubben og katten: Tidenes gladeste jul

Uansett om du er norsk- eller framandspråkleg, så er språktreffet ein flott plass kor du kan bli kjent med nye personar.

I tillegg får du høve til å bli med i kjekke og lærerike samtalar.

Treffa er kvar torsdag. Du treng ikkje å melde deg på, det er berre til å ta turen innom. Du vil få enkel servering i form av te/kaffi.

Om du har spørsmål, ta kontakt på telefon 

Då må du ta turen innom Vindafjord bibliotek måndagar. Me riggar då til med spillkonsoll og storskjerm og spelar bowling. Kort fortalt får kvar deltakar utdelt ein fjernkontroll som registrerer rørsler, og på den måten kan ein styre det som skjer på skjermen. Ein vel om ein vil stå eller sitje medan ein spelar.

Bowling på storskjerm er ein aktivitet som gjev mykje «lått og løye».

Torsdag 28. desember kan du vere med på uhøgtidleg romjulssjakkturnering. Romjulssjakk passar for alle, uansett nivå og alder. 

Ivbjørn Nimki frå Rogaland skulesjakkutval vil vere til stade for å rettleie undervegs, og det vil bli enkel servering samt premieutdeling.

Me håpar at mange tek utfordringa og kjem innom biblioteket i romjula for å spele sjakk.

or spelarar som nettopp har starta med sjakk, eller som ikkje har delteke i meir enn tre sjakkturneringer. Denne klassen spelar utan sjakklokke.

Bedømming av partiet om det ikkje er ferdig etter 20 minutt.

For elevar på barneskule, ungdomskule eller vidaregåande.

Velkomen til ein spennande ettermiddag på biblioteket.

Tidlegare sjefredaktør i Vårt Land, Helge Simonnes, har skrive bøkene «Trump, Gud og kirken» og «Putins hellige krig». I 2024 er det val i Russland, India og USA. Trump, Modi og Putin speler alle på religiøse kjensler, og det har gitt dei stor veljartekke.

Det er inga dristig spådom at Donald Trump og Vladimir Putin vil dominere det internasjonale nyheitsbiletet i 2024.

Rett etter to-årsdagen for invasjonen av Ukraina, vil det bli helde val i Russland og alt tydar på at Putin vinn valet. Trump er ein klar favoritt til å bli Republikanaranes kandidat i det spannande presidentvalet i november. I april og mai blir det helde val i verdas største demokrati, India.

Felles for disse tre landa, er at religion vil spele ei svært viktig rolle ved vala. Val kor utfallet har stor tyding for resten av verda.

USA og Russland er ikkje dei einaste landa med politikarar som trekk religion inn i den politiske sfæren. I India er det en sterk auke av hinduistisk nasjonalisme, og konfliktane i Midtøsten er drevet av nasjonalistiske og religiøse motsetningar.

Helge Simonnes er fast spaltist i Dagsavisen og er ein ettertrakta føredragshaldar rundt tema som er i skjeringspunktet mellom religion og politikk. Han er spesielt oppteken av å forklare kvifor politikarar som spele på religiøse kjensle, får et så sterkt gjennomslag hjå mange velgjerar.

Å ta ein kopp kaffi er alltid godt, og denne måndagen har du høve til å ta ein kopp kaffi i lag med ordførar Ole Johan Vierdal.

Om du har noko du vil spørje om, eller gje litt ris eller ros, så er du velkomen innom biblioteket måndag 18. desember mellom klokka 13 og 14.

Sjakkturneringa passar for alle, uansett nivå og alder.
Ivbjørn Nimki frå Rogaland skulesjakkutval vil vere til stade for å rettleie undervegs.
Det vil bli enkel servering samt premieutdeling.
Me håpar at mange tek utfordringa.

 eller på
e-post til : vindafjord.bibliotek@vindafjord.kommune.no

Velkomen til ein spennande laurdag på biblioteket.

Onsdag 6. desember kan du ta fri frå førejulsstria og møte den kritikarroste forfattaren Tore Renberg. Du vil få høyre ham fortelje engasjert og folkeleg om eige forfattarskap, språk og litteratur.

Renberg har eit stort spenn i bøkene han har gitt ut til no, og har mottatt mange ulike litteraturprisar og har lesarar i mange land.

Tore er for tida aktuell med boka Lungeflyteprøven som kom ut i haust. Lungeflyteprøven er hans fyrste historiske roman.

Arrangementet er gratis og i samarbeid med Vindafjord mållag.

Vindafjord bibliotek, i lag med Slekt og data Haugaland, arrangerer slektskafè den fjerde laurdagen i månaden.

Står du fast i slektsforskinga? Treng du tips eller råd til korleis du kan finne informasjon eller gjere bruk av digitale kjelder? I så høve bør du ta turen til slektskaféen vår. 

Målet med slektskaféen er at du skal kunne kome i kontakt med andre med same interesse og få høve til å få inspirasjon og utveksle erfaringar.

Det vil vere frivillige frå Slekt og data Haugaland tilstade for å gje råd og rettleiing.
Ta gjerne med eigen pc.
Velkomen til alle som likar å forske i slektshistorie.

Dennis Asbjørnsen er ein ung og spennande bloggar, forfattar, føredragsholdar, samt eigar av Norges største kjøkkenhagekonto i SoMe som elskar eigendyrka økomat frå egen hage i Stavanger.

Utgangspunktet for Dennis var rett og slett ønsket om å lage ein liten, økologisk og berekraftig kjøkenhage. For å få til dette driv Dennis med gjenbruk av potter og hagereiskapar, sanke eigne frø og driv med manuelt handarbeid.

Ønsket var å bruke minst mulig pengar på kjøkkenhagen – og resultatet er at Dennis i dag et eigendyrka økologisk mat frå eigen hage!

Dennis spreier kunnskap, informasjon og inspirasjon om dyrking av spiselige vekstar – enten det er i en svær kjøkkenhage, på balkongen eller i eit kjøkkenvindauga. Verdien er den same uansett kor stor eller liten plass du har. Du dyrkar og skaper noko!

Asbjørnsen har tre grunnprinsipp for alt kva han gjør:

Bli med på ei spennande lesestund kor magien kjem til liv.
Biletboka «Den Magiske Nøkkelen» opnar for
samtalar om kreativitet, kunst - og nøklar!


Forfattar Natalia Ingebretsen vil sjølv fortelle frå boka, og inviterer til teikneverksted. 

Hege Østmo-Sæter Olsnes teiknar både med og for barna – og kanskje dukkar Rot og Bjørne opp og?
Velkomen til alle.

Vil du reservere plass, ta kontakt på telefon: 53 65 58 60.

Du kan og vere med på same arrangement på Etne bibliotek klokka 11.30. 

Kvar måndag klokka 13.00-15.00 kan du svippe innom
og få hjelp med ulike digitale utfordringar på mobil, PC eller nettbrett.

Biblioteket arrangerer samlesing på Neseheimstunet – Gamlahuset. I koselege lokale kan du finne roa medan du opplev gode, litterære tekstar i lag med andre.

Samlesing er eit lytt – prat opplegg kor ein leseleiar les ein tekst høgt før ein samtalar om opplevingane av teksten. Erfaringane er at ein får spennande samtalar når ein deler inntrykk og refleksjonar som dukkar opp undervegs.

Det er inga førebuing, og ein vel sjølve kor mykje ein vil vere med i samtalen. Gevinsten av å vere med er at ein får kopla heilt av den stunda samlesinga varer.

Håvard Ersland Trio er ein ung pianotrio beståande av tre lyttande og kreative musikarar. Bandleiar og pianist Håvard Ersland kjem frå Imsland i Vindafjord.

Det er høg kvalitet på låtmaterialet trioen serverar, og komposisjonane krydras med lekre detaljar og eit stort musikalsk overskot, samt ein solid porsjon speleglede. Musikarane Håvard har med seg i bandet som i tillegg til å vera ettertrakta frilansmusikarar er kjende frå band som Miriam Kibakaya Concept, Superspreder og Liv Andrea Hauge Trio. Bandet er trass sin unge alder nærmast telepatisk samspelte, heile tida lyttande og søkande, og skapar med det nye og spennande konsertopplevingar på kvar konsert.

Besetning;
Håvard Ersland – Piano
Andreas Svabø – Kontrabass
Bjørn Andre Syverinsen – Trommer

Haldne arrangement

Kontakt

Sånn bruker du biblioteket

Nettstaden

Kontakt

Sånn bruker du biblioteket

Nettstaden